3-курстун студенти Давлеталиева Бегимай «Башталгыч класстарда окутуу» адистиги боюнча билим алат. Педагогикалык практикасынын алкагында ал №2 мектептин 2-классында Е. Сладковдун «Токой босогосундагы күз» аттуу жомогу боюнча ачык сабак өттү.
Сабак жогорку методикалык деңгээлде уюштурулду. Бегимай өзүнүн мыкты даярдыгын, ишенимдүүлүгүн жана педагогикалык чеберчилигин көрсөтө алды. Сабактын жүрүшүндө ал көрсөтмө куралдарды, окутуунун активдүү ыкмаларын жана окуучулар менен интерактивдүү иштөө элементтерин туура пайдаланды.
Окуучулар сабакка жигердүү катышып, талкууга активдүү аралашышты, кунт коюп угуп, суроолорго дилгирлик менен жооп берип, темага болгон кызыгуусун көрсөтүштү. Сабакта жылуу, достук жана натыйжалуу атмосфера түзүлдү.
